ZURE PREMIEN ARABERA MUGITZEN GARA

Aurrerabidearekin bat egin du beti Batzek. Horretan ari gara gure kooperatiba sortuz geroztik, 1963tik.

1963an sortu zen Batz. Hainbat produktu egiten genituen garai hartan. Handik urte batzuetara, automozio-sektorerako trokelak egiten espezializatu ginen. Horixe izan genuen negozio-iturri nagusia enpresaren lehenbiziko 20 urteetan.

1982an, beste lan bati ekin genion: automobil-industriarako sistemak eta estanpazio-piezak egiteari. Hogei urteren buruan, Trokelgintza sailak adinako garrantzia hartu du langintza berriak.

Berrogei urte paseak ditu, bada, Batzek. Lau hamarkada hauetan automozio-sektoreko hornitzaile nagusietako bat bihurtu gara: bezero askorentzat egiten ditugu trokelak eta sistemak, tartean direla automobilgintzako enpresa ia guztiak.